Kryeministri izraelit Benjamin Netanyahu ka deklaruar se nuk beson se me Iranin mund të arrihet një zgjidhje përmes diplomacisë.
Të lidhura
None found
Gjatë një aktiviteti në Jerusalem, Netanyahu përdori një gjuhë të ashpër ndaj drejtuesve iranianë, duke përjashtuar mundësinë e një marrëveshjeje. Ai tregoi se çështja e diplomacisë ishte diskutuar edhe në takimin e tij të fundit me Presidentin Donald Trump.
“I thashë Trumpit: Sigurisht, ekziston mundësia për të arritur një marrëveshje, një marrëveshje të mirë. Ne nuk kemi asnjë kundërshtim. Megjithatë, dyshoj se mund të arrihet një marrëveshje me atë grup atje, me ata të egër. Po ju them: një marrëveshje nuk mund të arrihet”, tha Netanyahu.
Ai shprehu mbështetje për fushatën e re të presionit ekonomik të Presidentit Donald Trump, duke theksuar se masat duhet të synojnë jo vetëm Teheranin, por edhe palët që i japin ndihmë regjimit iranian.
Netanyahu njihet prej kohësh si kundërshtar i përpjekjeve diplomatike me Iranin dhe i marrëveshjes bërthamore të vitit 2015. Sipas tij, presioni ekonomik i Trumpit përfaqëson një “opsion të tretë”, përveç diplomacisë dhe luftës.
Të hënën, Presidenti amerikan njoftoi nisjen e një ofensive të re ekonomike kundër Iranit. Edhe pse ishte pjesë e sulmit të përbashkët amerikano-izraelit në shkurt, Trump pranoi armëpushimin në prill dhe vijon të shmangë rikthimin në një luftë të plotë.
