Mbi 20 vjet pas prezantimit të parë, hipermakina ikonike Veyron është rikthyer në një formë të re falë një projekti të veçantë one-off nga Bugatti.
Të lidhura
None found
Ekzemplari, pjesë e serisë së kufizuar prej vetëm 450 Veyron të prodhuara, është transformuar përmes programit La Maison Pur Sang. Në ridizajnimin e tij janë përfshirë elemente që marrin frymëzim nga Chiron dhe Tourbillon.
Pamja e makinës është rifreskuar me nuancat Rouge Rembrandt dhe Petrol Blue, rrota më të mëdha dhe detaje bashkëkohore. Edhe kabina është rinovuar, duke u veshur me lëkurë luksoze.
Konsola tani mban emblemën “20 Years of Veyron”, ndërsa përfundimi Côte de Genève sjell një estetikë të frymëzuar nga orët e luksit.
Çmimi nuk është bërë publik nga Bugatti, megjithëse ky projekt unik pritet të arrijë një vlerë tepër të lartë.
