Real Madrid nuk ka fituar asnjë trofe të vetëm këtë sezon, por nuk janë rezultatet ato që kanë ndarë ekipin dhe Zinedine Zidane.
Ky është pretendimi i disa mediave spanjolle që janë të sigurta se vendi i dytë në La Liga, humbjet në gjysmëfinale të Super kupës spanjolle dhe Ligën e Kampionëve dhe rënia e ekipit në Kupën e Spanjës nuk kanë asnjë lidhje me informacionin e konfirmuar në lidhje me largimin e trajnerit francez.
Arsyeja është projekti i rinovimit të ekipit në të cilin Real Madrid po kalon.
Zidane thuhet se nuk e pëlqeu idenë që lojtarët me të cilët ka fituar tituj në të gjitha garat që ka udhëhequr, t’i thuhet se ata nuk janë më pjesë e planeve të tij. Kjo punë do t’i lihet trashëgimtarit, dikujt që nuk është aq i lidhur me lojtarët.
