Reperi i njohur nga Kosova, Fero Fera, ka dalë nga qelitë e paraburgimit ku po mbahej për rreth dy ditë, pas konfliktit që ai kishte pasur me producentin e tij, Jetmir Agaj.
Reperi dhe truproja e tij dyshohet se rrahën dhe kërcënuan me armë Agajn, në studion muzikore të këtij të fundit.
Pasi u shpallën në kërkim, reperi dhe truproja u vetëdorëzuan në polici.
Reperi është liruar nga paraburgimi dhe në një video që ka publikuar në Instagram, ka zgjedhur të mos thotë asgjë, por shfaqet në një makinë bashkë me disa miq të tij. Kjo nuk është hera e parë që reperi ka probleme me drejtësinë.
Disa kohë më parë më parë, u dënua nga gjykata me 1 mijë euro për armëmbajtje pa leje. Fero u përfshi në një sherr të ndodhur në vitin 2018 bashkë me Avdullah Islami dhe Mehmet Elshanin. Ky i fundit ushtroi dhunë fizike ndaj Lorent Bajramit, ndërsa reperi dhe Islami e kërcënuan me armë dhe mjete metalike të rrezikshme./albeu.com/
