Dy ndeshjet e fundit të xhiros së katërt të Albi Mall Superligës së Kosovës luhen sot, me përballje që pritet të sjellin garë dhe emocione në fushë.
Të lidhura
None found
Të dyja takimet janë planifikuar të nisin në orën 16:00.
Në stadiumin “Liman Gegaj”, Malisheva do të jetë nikoqire e Gjilanit. Të dy ekipet do të kërkojnë të marrin rezultat pozitiv dhe pikë të vlefshme për vazhdimin e kampionatit.
Paralelisht, në Suharekë, Ballkani do të përballet në shtëpi me Feronikelin ’74, në një duel tjetër të rëndësishëm të kësaj xhiroje.
Pas ndeshjeve të luajtura të premten dhe të shtunën, këto dy përballje do t’i japin fund xhiros së katërt të Superligës së Kosovës.
