Armend Mehaj, ish-ministër i Mbrojtjes, ka kryesuar konsultimin qytetar për postin e Presidentit të Republikës së Kosovës, të zhvilluar nga Instituti Strategjik për Drejtësi, Mbrojtje të të Drejtave të Njeriut, Analizë të Politikave Publike dhe Anti-Korrupsion (ISDMAK).
Të lidhura
None found
Rezultatet përfundimtare të publikuara nga ISDMAK bëjnë të ditur se procesi është mbyllur më 1 shtator 2026. Në këtë konsultim, qytetarët mund të zgjidhnin mes 18 emrave të propozuar për kreun e shtetit.
Me 11 mijë e 534 vota, që përbëjnë 27.0% të totalit, Mehaj është renditur në krye të listës.
Vjosa Osmani ka zënë vendin e dytë me 7 mijë e 905 vota ose 18.5%, ndërsa Glauk Konjufca është pozicionuar i treti, me 7 mijë e 312 vota ose 17.1%.
Bedri Hamza ka marrë 5 mijë e 809 vota, duke siguruar 13.6% të totalit. Pas tij vjen Ramush Haradinaj me 3 mijë e 668 vota, ose 8.6%.
Në vijim të renditjes janë Lumir Abdixhiku me 1,044 vota (2.4%), Memli Krasniqi me 767 (1.8%), Albulena Haxhiu me 525 (1.2%) dhe Atifete Jahjaga me 493 vota (1.2%).
Lista vijon me Saranda Bogujevcin, e cila ka marrë 450 vota (1.1%), Veton Surroin me 436 (1.0%), Arben Vitinë me 430 (1.0%), Muhamet Mustafën me 422 (1.0%), Fatonime Mulhaxha-Kollçakun me 417 (1.0%), Lutfi Pecin me 392 (0.9%), Ferdije Bunjakun me 385 (0.9%), Enver Hasanin me 380 (0.9%) dhe Hatixhe Hoxhën me 367 vota (0.9%).
ISDMAK ka sqaruar se konsultimi nuk ka për qëllim të zëvendësojë procedurat e përcaktuara nga Kushtetuta apo kompetencat e Kuvendit. Sipas institutit, nisma synon të pasqyrojë vullnetin e qytetarëve si orientim publik në kushtet e bllokadës politike në vend.
Në përfundim të konsultimit, 18 kandidatët kanë grumbulluar gjithsej 42 mijë e 636 vota.
