Joe DioGuardi dhe Shirley Cloyes DioGuardi do të marrin sot dekretin e shtetësisë së Kosovës nga ushtruesja e detyrës së presidentes së Kosovës, Albulena Haxhiu.
Të lidhura
None found
Ceremonia e dorëzimit do të zhvillohet në orën 11:00, bëri të ditur Zyra e Presidentes përmes një njoftimi.
“Në orën 11:00, Ushtruesja e Detyrës së Presidentes së Republikës së Kosovës, Albulena Haxhiu, në një ceremoni të veçantë ua dorëzon dekretin e shtetësisë së Kosovës, Joe DioGuardit dhe Shirley Cloyes DioGuardit”, thuhet në njoftim.
Dy personalitetet amerikane njihen si ndër lobuesit shqiptaro-amerikanë më aktivë në mbështetje të çështjes së Kosovës, veçanërisht në Uashington.
Në vitin 1989, Joe DioGuardi themeloi Ligën Qytetare Shqiptaro-Amerikane (AACL), organizatë lobuese që e bëri çështjen e shqiptarëve të Kosovës pjesë të vëmendjes në Kongresin amerikan.
