Gjatë tremujorit të dytë të këtij viti, në Regjistrin e Çmimeve dhe Qirave janë regjistruar 2 mijë e 148 kontrata për dhënie me qira. Sipas agjencisë së lajmeve MIA, kjo shifër është 17 për qind më e ulët se ajo e tremujorit paraprak.
Të lidhura
None found
Megjithëse numri i kontratave ra, të dhënat e regjistrit tregojnë se vlera e përgjithshme e qirave mujore u rrit me 9 për qind krahasuar me tremujorin e parë, duke arritur në 1.2 milionë euro. Hapësirat afariste kryesojnë me 935 kontrata, ndërsa më pas renditen banesat me 630 dhe shtëpitë me 235 qira.
Në raport me tremujorin e parë, numri i banesave të dhëna me qira u zvogëlua me 14 për qind. Te hapësirat afariste u evidentua një rënie prej 8 për qind e kontratave, ndërkohë që vlera e tyre totale u rrit me 20 për qind.
Komuna Qendër në Shkup kishte numrin më të lartë të qirave të regjistruara, me 286 raste, e ndjekur nga Aerodromi, Karposhi dhe Manastiri. Në total, gjatë tremujorit të dytë u dhanë me qira 2.4 milionë metra katrorë prona të paluajtshme.
