Stojançe Angellov, drejtor i Drejtorisë për Mbrojtje dhe Shpëtim, bëri të ditur se situata me zjarret në vend vijon të jetë stabile.
Të lidhura
None found
Sipas tij, disa prej vatrave janë shuar plotësisht, ndërsa të tjera janë vënë nën kontroll.
Angellov deklaroi se gjatë mëngjesit gjendja ishte e qëndrueshme, megjithëse në hapësira të hapura vazhdojnë të jenë aktive disa zjarre. Ai theksoi se situata mund të ndryshojë në çdo çast dhe se, ndërsa po jepte deklaratën, vatra të reja mund të shfaqeshin në zona të ndryshme të shtetit.
Si rastin më serioz dhe më të vështirë për t’u shuar, ai veçoi zjarrin që u përhap nga deponia e Strugës drejt bimësisë përreth. Vatra ishte aktive edhe dje gjatë orëve të pasdites dhe fillimisht ishte vendosur pjesërisht nën kontroll, por sot u doli sërish nga kontrolli zjarrfikësve. Angellov tha se aktualisht ka flakë dhe se në atë zonë do të dërgohen së paku dy air traktorë.
