Hamasi ka miratuar propozimin e paraqitur nga Bordi i Paqes, i cili synon çarmatimin e plotë në Rripin e Gazës. Pranimi i planit është konfirmuar për BBC nga një zyrtar i lartë i grupit.
Të lidhura
None found
Zyrtari bëri të ditur se së shpejti Hamasi do të dalë me një njoftim zyrtar, përmes të cilit pritet të bëjë të qartë qëndrimin e tij dhe hollësitë e marrëveshjes.
Edhe BBC njofton se ka siguruar tekstin e planit të dakordësuar, përmbajtjen e të cilit pritet ta publikojë së shpejti.
Ky zhvillim pason deklaratën e presidentit amerikan Donald Trump se Izraeli dhe Hamasi kanë arritur marrëveshje për fazën e dytë të konfliktit në Gaza. Sipas tij, kjo fazë përfshin çarmatimin e plotë të Hamasit dhe të grupeve të tjera të armatosura që veprojnë në enklavën palestineze.
