Skuadra e Real Madridit në basketboll humbi 27.8 milionë euro vitin e kaluar, pavarësisht se u kurorëzua kampion i Euroligës. Bonuset e paguara për lojtarët pas titullit kontinental rritën shpenzimet.
Dhe kjo, pavarësisht një viti në të cilin skuadra theu rekordin e të ardhurave, sipas websajtit ‘2playbook’ në një raport të detajuar. Biznesi i zakonshëm i basketbollit madrilen arriti në 22 milionë euro me kufizime si në të ardhurat nga sponsorizimet ashtu edhe nga abonentët. Megjithatë, të ardhurat nuk mund të kompensonin shpenzimet.
Dy herët e fundit që skuadra e bardhë fitoi Euroligën, shifrat e shpenzimeve gjithashtu u rritën. Në vitin financiar 2017-2018, humbjet arritën në 28.9 milionë euro , 30% më shumë se një vit më parë. Në sezonin 2014-2015, pas fitimit të Final Four-it në Madrid, shifra ishte 27.9 milionë euro .
