Bjellorusia, përmes një statusi në Twitter, thotë se gjithçka është gati për të pritur bisedimet midis delegacioneve ukrainase dhe ruse, ndërkohë pushtimi i Moskës ndaj fqinjit të saj perëndimor hyn në ditën e pestë.
Ukraina ka rënë dakord të dërgojë diplomatë në një vendndodhje afër kufirit ukrainas-bjellorus, pavarësisht raporteve se diktatori i vendit, Alexander Lukashenko, është gati të dërgojë trupa për t’iu bashkuar pushtimit.
“Vendi për bisedimet mes Rusisë dhe Ukrainës në Bjellorusi është përgatitur, pritet ardhja e delegacioneve”, tha Ministria e Jashtme e Bjellorusisë në rrjetet sociale, duke publikuar një foto të një tavoline të gjatë me flamuj të Rusisë dhe Ukrainës
⚡️??????In Belarus, everything is ready to host Russia-Ukraine negotiations. Waiting for delegations to arrive pic.twitter.com/WSnPMyChwg
— Belarus MFA ?? (@BelarusMFA) February 28, 2022
Anatoly Glaz, një zëdhënës i ministrisë së jashtme të vendit, tha se bisedimet do të fillojnë sapo të gjithë delegacionet të mbërrijnë në pikën e takimit.
Ukraina është zotuar të mos japë asnjë bazë në takim dhe presidenti i saj Volodymyr Zelensky, ka thënë se nuk pret që bisedimet të japin ndonjë rezultat./albeu.com
