Prokuroria e Përgjithshme, i ka dërguar Kuvendit të Shqipërisë qëndrimin zyrtar për projektligjin që përcakton pagat e magjistratëve.
Përmes një shkrese, institucioni sqaron se vlerësimi është mbështetur në tekstin e projektligjit të publikuar në muajin korrik 2026 në faqen zyrtare të Kuvendit, si edhe në diskutimet publike, pasi një draft formal nuk i është përcjellë zyrtarisht për konsultim.
Të lidhura
None found
Sipas Prokurorisë së Përgjithshme, projektligji “Për disa shtesa dhe ndryshime në ligjin nr.96/2016 ‘Për statusin e gjyqtarëve dhe prokurorëve në Republikën e Shqipërisë’” nuk garanton, në parim, zbatimin e plotë dhe efektiv të Vendimit nr.15, datë 17/02/2026, të Gjykatës Kushtetuese, si dhe të standardeve kushtetuese të përcaktuara në të.
Institucioni vlerëson gjithashtu se nisma ligjore sjell diferenca të pajustifikuara dhe jo harmonike ndërmjet niveleve të ndryshme të gjykatave dhe prokurorive.
