Kryetari i Bashkisë Shkodër, Benet Beci, ka bërë të ditur se situata e krijuar nga zjarret në Bardhaj dhe Myselim është përmirësuar, ndërsa banesat pranë vatrave nuk ndodhen më në rrezik.
Sipas tij, pas një riaktivizimi të favorizuar nga era gjatë mesditës, ndërhyrja e ekipeve nga toka dhe ajri ka bërë të mundur vënien nën kontroll të flakëve.
Të lidhura
None found
Në operacion morën pjesë zjarrfikësit, Shërbimi Pyjor, Emergjencat Civile, Forcat e Armatosura, punonjës të njësive administrative, vullnetarë dhe banorë të zonës.
Ndihmë në shuarjen e vatrave më problematike dhanë edhe dy helikopterë, të cilët ndërhynë nga ajri për të izoluar flakët, ndaluar përhapjen e tyre dhe mbrojtur banesat.
Benet Beci ka njoftuar se Bardhaj dhe Myselimi vijojnë të monitorohen nga ekipet e emergjencave, me qëllim parandalimin e çdo riaktivizimi të mundshëm.
