Jonathan David mund të largohet në afatin kalimtar të janarit nga skuadra franceze Lille.
Sulmuesi kanadez ka edhe një vit e gjysmë kontratë me klubin francez dhe i ka refuzuar ofertat për rinovimin e saj pasi dëshiron të bëj hap para në karrierën e tij.
Pas një fillimi të vështirë këtë edicion, David ka rikthyer formën e tij më të mirë dhe tani është duke shkëlqyer me fanellën e Lille.
23-vjeçari ka realizuar 10 gola dhe ka asistuar në gjashtë të tjerë në 24 ndeshje zyrtare këtë edicion, derisa e ardhmja e tij duket se do të jetë në Angli.
Sky Sport ka raportuar se skuadrat angleze si Chelsea, Arsenal, Liverpool dhe Aston Villa janë shumë të interesuara për transferimin e David në afatin kalimtar të janarit.
Reprezentuesi kanadez është i gatshëm të largohet menjëherë nga skuadra franceze për të bërë një hap para në karrierën e tij dhe Lille po pret ofertën më të mirë.
Skuadra franceze synon që të fitoj 45 milionë euro nga shitja e David, shumë që nuk përbën problem për skuadrat angleze. /Telegrafi/
