Një ngjarje e rëndë ka ndodhur dje në Kërçovë, ku një person ka gjetur vdekjen pasi shtëpia e tij u përfshi nga zjarri. Viktima, 37 vjeç, u zbulua i pajetë nga ekipet e shpëtimit pas neutralizimit të flakëve, konfirmojnë burimet zyrtare.
Të lidhura
None found
Rapori i autoriteteve sqaron kronologjinë e rastit: “Më datë 21 korrik, rreth orës 18:55, në Stacionin Policor të Kërçovës mbërriti një sinjalizim nga Reparti i Zjarrfikësve të qytetit. Ata njoftuan se një banesë në rrugën ‘4 Korriku’ ishte përfshirë nga zjarri. Pasi skuadra e mbrojtjes nga zjarri arriti të vërë në kontroll situatën, brenda ambientit u gjet pa shenja jete S.S., 37 vjeç, banor i Kërçovës”.
Vdekja e të riut u vërtetua nga personeli i emergjencave mjekësore që shkoi në vendngjarje. Më tej, prokurori kompetent së bashku me hetuesit e SPB Kërçovë, zhvilluan veprimet e nevojshme proceduriale për zbardhjen e shkaqeve të kësaj tragjedie.
