Një grua 66-vjeçare nga Rosomani ka humbur jetën në Klinikën e Sëmundjeve Infektive, pasi analizat laboratorike konfirmuan se vuante nga një formë e rëndë e Etheve të Nilit Perëndimor, e cila kishte prekur sistemin nervor qendror.
Të lidhura
None found
Lajmi u bë i ditur nga drejtori i Klinikës Infektive, Fadil Cana. Sipas tij, pacientja kishte disa sëmundje kronike shoqëruese dhe gjendja e saj klinike ishte tepër e rënduar.
Me këtë rast, numri i personave që kanë ndërruar jetë nga Ethet e Nilit Perëndimor ka arritur në 11.
Cana njoftoi gjithashtu se në Klinikë po trajtohet edhe një paciente tjetër me formë të rëndë të sëmundjes. Ajo ka qëndruar për një periudhë të gjatë në njësinë e kujdesit intensiv, ndodhet në ventilim mekanik dhe është e shtruar prej gati një muaji.
Drejtori e cilësoi si shqetësuese mungesën e rasteve të reja të shtruara në spital që prej 25 shtatorit.
