Arsyeja e thjeshtë pse kërcimi “Alors On Danse” u bë kaq viral në TikTok

TikToku ka pothuajse çdo muaj një trend të ri. Kërcimet janë përherë aty. Yjet e platformës, ata që njihen si krijues përmbajtjeje, përpiqen të krijojnë kërcime ose sfida në mënyrë që algoritmi t’i favorizojë dhe sigurisht, profili i tyre të jetë më i popullarizuar. Megjithatë, nëse disa përpiqen shumë për të krijuar diçka që të bëhet virale, të tjerët jo vetëm që nuk mundohen aspak, por as e kanë patur ndonjëherë qëllim që të bëhen viralë.

Duket se këta të fundit, janë më të suksesshëm. Shembulli konkret është videoja me kërcimin e këngës “Alors On Danse” të këngëtarit Stromae. Një remiks i këngës u përdor nga @usimmango, një 18-vjeçar emri i vërtetë i të cilit është Usim E. Mang. Usim dhe miqtë e tij qëndrojnë të shkujdesur para kamerës dhe në fund, lëvizin me ngadalë dhe në harmoni me njëri-tjetrin, një lëvizje që i shkon kaq shumë ritmit të këngës.

@usimmangoTag who you see🙈 // Insta: Usimmango💕

♬ Stromae Alors on Danse – ᴍᴇɢᴜᴍɪ & ᴋʏᴏ 🦋

Kërcimi ka më shumë se 118 milionë shikime dhe është viral. Ndoshta sekreti se pse u bë kaq i famshëm qëndron te thjeshtësia – është një kërcim që kërkon 0 përkushtim, nuk të duhet të mësosh përmendësh lëvizjet (shpesh të pakapshme) të kërcimeve të TikTokut.

Sa më pak mundim të ketë një video, aq më e këndshme është. Sa më e paplanifikuar, aq më e suksesshme. Jo më kot Khaby Lame, që pothuajse nuk flet fare nëpër video, ka të gjitha gjasat të tejlakojë Charli D’Amelion, momentalisht ylli më i ndjekur në TikTok.

Shtuar 18.07.2021 13:48