Kryetarja e Dhomës së Përfaqësuesve të SHBA, Nancy Pelosi, ka komentuar udhëtimin e saj në Tajvan për herë të parë që nga largimi. Në një konferencë për shtyp, ajo përsëriti shumë herë se dëshironte paqen në ishullin vetëqeverisës dhe që status quo-ja të vazhdojë.
Por ajo akuzoi Kinën se po përpiqej të izolonte Tajvanin në shumë mënyra dhe tha se nuk mund ta pengonte atë dhe zyrtarët e tjerë amerikanë të vizitonin, duke vënë në dukje se qeveria kineze nuk e kontrollonte orarin e tyre të udhëtimit.
Gjithashtu Pelosi tha se, Kina “ndoshta ka përdorur vizitën tonë si një justifikim” për të lëshuar raketa gjatë stërvitjeve rreth Tajvanit”.
Pelosi është politikania më e lartë amerikane që ka vizituar Tajvanin në 25 vjet. Por ajo hodhi poshtë pretendimin se ajo ishte më shumë e motivuar nga kultivimi i trashëgimisë së saj sesa mbrojtja e Tajvanit si “qesharake”. Udhëtimi nuk kishte të bënte me të, tha ajo: ishte për të festuar Tajvanin dhe demokracinë e tij të lulëzuar.
