Arrestohen dy vëllezërit shqiptar në Itali, plagosën një 42-vjeçar dhe nënën e tij

Policia italiane ka vënë në pranga dy vëllezër shqiptar nën akuzën për tentativë vrasjeje.

Si pasojë e ngjarjes ka mbetur i plagosur një 42-vjeçar dhe nëna e tij 63-vjeçare, e cila ka ndërhyrë për të mbrojtur të birin.

Mediat italiane raportojnë se gjithçka ka nisur pasi 42-vjeçari ishte në marrëdhënie me ish të dashurën e një prej të arrestuarve.

Shqiptarët “u tradhtuan” nga pamjet e kamerave të sigurisë dhe thika e gjetur në vendngjarje.