Një vajzë 10 vjecare ka ndërruar jetën pasditen e sotme pas një aksidenti në Bulqizë ku makina i ka marrë përpara bashkë me nënën e cila është në gjendje të rëndë.
Sipas policisë, aksidenti ka ndodhur rreth orës 18.20, në lagjen e Re, në qytetin e Bulqizës, ku shtetasi Z. Sh., duke drejtuar automjetin e tij, dyshohet se ka humbur kontrollin dhe për pasojë ka aksidentuar dy këmbësore.
“Pas ndihmës së parë në spitalin e Bulqizës, si pasojë e dëmtimeve të marra nga aksidenti ka humbur jetën e mitura rreth 10 vjeçe, ndërsa shtetasja Sh.Sh., ndodhet për ndihmë mjekësore në spital.
Drejtuesi i mjetit është shoqëruar në Komisariat për veprime të mëtejshme”, thotë policia.
Grupi hetimor vijon hetimet në vendin e ngjarjes për zbardhjen e shkaqeve të aksidentit.
