Një foshnjë 9-muajshe nga një fshat i Likovës është dërguar dje në Spitalin e Përgjithshëm të Kumanovës, pasi prindërit dyshuan se mund të kishte pirë detergjent.
Të lidhura
None found
Ngjarja është denoncuar në SPB Kumanovë më 2 shtator 2026, rreth orës 18:52.
Sipas sqarimeve të spitalit, prindërit e sollën foshnjën për kontroll nga frika se kishte konsumuar detergjent. Ekzaminimet treguan se fëmija ishte në gjendje të mirë shëndetësore dhe se substanca e rrezikshme nuk kishte hyrë në organizmin e tij.
Ky rast ka shtuar shqetësimin në Kumanovë, pasi bëhet fjalë për rastin e gjashtë të regjistruar brenda një muaji në rajon, ku një fëmijë raportohet se është ekspozuar ose dyshohet se është helmuar me një substancë të rrezikshme.
Policia ka bërë të ditur se janë duke u ndërmarrë masa për sqarimin e rasteve.
Gjashtë raste në vetëm një muaj ngrenë pyetjen nëse bëhet fjalë për rastësi apo për një problem që kërkon vëmendje më të madhe.
