Një vatër e madhe zjarri ka shpërthyer në një zonë industriale në veriperëndim të Londrës, në afërsi të stadiumit Wembley.
Të lidhura
None found
Autoritetet kanë angazhuar në operacion 20 automjete dhe rreth 125 zjarrfikës, raportojnë mediat lokale. Pamjet e shpërndara në rrjetet sociale tregojnë re të dendura tymi që ngrihen lart mbi zonë.
Shërbimet e emergjencës kanë marrë më shumë se 70 telefonata lidhur me incidentin. Deri tani nuk raportohet për viktima dhe ende nuk dihen shkaqet e zjarrit.
Situata vijon të jetë në zhvillim, ndërsa autoritetet po e monitorojnë nga afër dhe zjarrfikësit vazhdojnë përpjekjet për të vënë flakët nën kontroll.
