Përmbytjet shkatërruese që kanë goditur Nepalin kanë lënë pas më shumë se 500 viktima, ndërsa ekipet e kërkim-shpëtimit vijojnë operacionet për gjetjen e qindra personave që ende nuk dihet ku ndodhen.
Të lidhura
None found
Sipas Autoritetit nepalez për Menaxhimin e Fatkeqësive, numri i të vdekurve ka arritur në 538. Ndërkohë, policia nepaleze ka raportuar 547 viktima. Deri tani, autoritetet nuk kanë sqaruar arsyen e mospërputhjes mes dy bilanceve, të cilat i referohen të dhënave deri në orën 15:00 me kohën lokale.
Numri i personave të shpallur të zhdukur është 977, prej të cilëve 517 janë shtetas të huaj. Përpjekjet për kërkimin dhe shpëtimin e tyre po përqendrohen në zonat më të prekura, ndërsa autoritetet po punojnë gjithashtu për identifikimin e të zhdukurve dhe për përditësimin e të dhënave mbi viktimat.
Bordi i Turizmit i Nepalit njoftoi se deri në këtë fazë janë nxjerrë të gjallë 121 shtetas të huaj. Në mesin e tyre ndodhen edhe dy amerikanë, ndërsa nuk ka raportime për shtetas britanikë të shpëtuar.
Përmbytjet e papritura kanë shkaktuar dëme të konsiderueshme në infrastrukturë dhe kanë lënë të izoluara disa zona të Nepalit, çka po e bën edhe më të vështirë zhvillimin e operacioneve të shpëtimit.
