Një tërheqje që prek më shumë se 4 milionë makina elektrike do të kryhet në Kinë, mes tyre edhe afërsisht 2.98 milionë automjete Tesla të prodhuara në këtë vend.
Të lidhura
None found
Shkak për masën janë dorezat e fshehura të dyerve, të cilat mund të krijojnë vështirësi në përdorim në rast aksidenti ose ndërprerjeje të furnizimit me energji. Kjo mund të pengojë daljen e pasagjerëve dhe ndërhyrjen e forcave të shpëtimit.
Mes prodhuesve të përfshirë në këtë tërheqje janë Tesla, Xiaomi, XPeng dhe Geely.
Automjetet do të marrin etiketa paralajmëruese, si edhe një përditësim të softuerit që, pas një përplasjeje, ul xhamat në mënyrë automatike.
Duke nisur nga 1 janari 2027, rregullat në Kinë do t’i detyrojnë automjetet e reja të pajisen me mekanizma mekanikë për hapjen e dyerve si nga brenda, ashtu edhe nga jashtë.
