Manchester City ka hedhur një hap të rëndësishëm drejt afrimit të mesfushorit të ri të Lille, Ayyoub Bouaddi, duke rënë dakord për termat kontraktuale personale.
Sipas informacioneve të gazetarit Nicolo Schira, reprezentuesi 18-vjeçar i Marokut pritet të lidhet me klubin anglez deri në verën e vitit 2031, ndërsa negociatat mes dy klubeve tashmë kanë nisur për të përfunduar kalimin e tij në Premier League.
Të lidhura
None found
Kampioni anglez po punon me intensitet për të mbyllur operacionin sa më parë, duke dashur të lërë pas rivalët e tjerë evropianë që gjithashtu e kanë vënë në shënjestër lojtarin e talentuar verior-afrikan.
Rritja e vlerës së Bouaddit erdhi si pasojë e paraqitjeve të tij të shkëlqyera në Kupën e Botës 2026, ku ai luajti rol kyç në rrugëtimin historik të Marokut deri në çerekfinale, aty ku u ndalën nga Franca.
Interesi për mesfushorin krijues është i konsiderueshëm nga disa prej skuadrave më të fuqishme të kontinentit, dhe për ta lënë të lirë këtë merkatove vere, Lille pritet të vendosë një çmim rreth 100 milionë euro për kartonin e lojtarit.
