Një sulm i përgjakshëm ka ndodhur në dy kisha në Spanjë, mbrëmjen e djeshme. Një person ka humbur jetën, ndërsa një tjetër është plagosur si pasojë e sulmit me hanxhar në dy kisha në Spanjën jugore.
Sipas ministrisë së brendshme autori i dyshuar fillimisht hyri në kishën e San Isidro në
Algeciras, ku plagosi rëndë priftin. Më pas ai shkoi në një kishë të dytë, ku vrau një tjetër person me hanxhar.
Të lidhura
None found
BBC raporton se autori u neutralizua dhe u arrestua menjëherë pas sulmit.Nuk dihen ende motivet e sulmit.
Sakaq mësohet se hetuesit po e trajtojnë ngjarjen të lidhur me terrorizmin.
Kryeministri Pedro Sanchez shkroi në Twitter: “Unë dërgoj ngushëllimet e mia më të thella për familjet e viktimave që vdiqën në këtë sulm të tmerrshëm”.
Incidenti u denoncua nga komuniteti lokal mysliman në Algeciras, i cili e dënoi atë si një “sulm brutal dhe të egër”./albeu.com/
