Numri i anijeve të huaja që arrijnë në portet e Ukrainës në Danub për të ndihmuar me eksportet e grurit është dyfishuar në 16 brenda 24 orëve të fundit, raporton Kyiv Independent, duke cituar ministrinë e infrastrukturës së vendit.
Kujtojmë se Ukraina po rivendoste dhe zgjeronte disa nga portet e saj lumore të çmontuara prej kohësh në Danub për të lehtësuar eksportimin e grurit për shkak të bllokadës së Detit të Zi të Rusisë.
“Kyiv Independent” tha të martën se 16 anije kanë hyrë tani përmes Kanalit Danub-Detit të Zi për të ngarkuar grurin ukrainas, me ndihmën e marinës ukrainase.
Më shumë se 90 anije janë aktualisht në pritje të radhës, tha ministria, pasi Ukraina pret të rrisë eksportin mujor të grurit me 500,000 tonë.
Përdorimi i kanalit u hap pasi Ukraina çliroi ishullin e gjarpërinjve nga forcat ruse më 30 qershor./albeu.com
