Futbollisti i Bayern Munichut, Alphonso Davies ka mbetur jashtë fushave për një kohë të pacaktuar.
Kjo për arsye se mbrojtësi nga Kanada pas infektimit me COVID-19, ka pasur probleme me muskujt e zemrës.
Miokarditi u zbulua në testet mjekësore të Daviesit pas rikthimit të tij në stërvitje këtë javë.
Lajmin e ka konfirmuar trajneri i Bayern Munichut, Julian Nagelsmann.
Nagelsmann tha se Davies tani do të ndalojë stërvitjen deri në njoftimin e mëtejshëm për t’i dhënë kohë trupit të tij për t’u rikuperuar.
