Daut Haradinaj ka reaguar pas vendimit të Gjykatës Speciale, e cila dënoi me gjithsej 81 vite burg ish-krerët e UÇK-së.
Të lidhura
None found
Përmes një postimi në Facebook, Haradinaj u bëri thirrje Kosovës dhe institucioneve të saj që të ndërmarrin pa vonesë masa lidhur me mënyrën se si, sipas tij, kjo gjykatë politike është sjellë ndaj personave që luftuan për lirinë e vendit.
Ai theksoi se përpjekja për drejtësi do të vijojë deri në arritjen e drejtësisë së plotë dhe deri në lirimin e tyre nga çdo akuzë.
Haradinaj u shpreh se UÇK-ja është e pastër dhe se lufta e saj ka qenë çlirimtare, duke shtuar se asnjë gjykatë nuk mund ta dënojë shpirtin çlirimtar.
Sipas tij, heshtja nuk mund të pranohet më dhe institucionet e Kosovës duhet të reagojnë, si dhe të ndërmarrin çdo veprim të nevojshëm për mbrojtjen e drejtësisë dhe dinjitetit të luftëtarëve të UÇK-së.
“Deri në fund. Deri në drejtësi”, shkroi ai, duke shprehur mbështetjen për katër burrat që ndodhen atje dhe për çdo ushtar të UÇK-së.
