Rebelët Houthi kanë marrë kontrollin e Mokha-s, pranë ngushticës strategjike Bab el-Mandeb, duke rritur praninë e tyre në një prej korridoreve detare më të rëndësishme të rajonit.
Të lidhura
None found
Përveç Mokha-s, ata kanë pushtuar edhe ishullin Zuqar. Forcat qeveritare të mbështetura nga Arabia Saudite nuk kanë mundur ta ndalin përparimin e tyre, ndërsa në shënjestër të sulmeve kanë qenë edhe objektet saudite të naftës.
Ekspertët e cituar nga BBC vlerësojnë se zhvillimet e fundit po nxjerrin në pah dobësinë e forcave saudite dhe forcimin e kapaciteteve të rebelëve Houthi. Këta të fundit janë aleatë të Iranit, por veprojnë gjithashtu në mënyrë të pavarur.
Kjo situatë i jep Teheranit më shumë ndikim si në Ngushticën e Hormuzit, ashtu edhe në Detin e Kuq.
Republika Islamike ka vijuar sulmet ndaj rrjetit ushtarak amerikan, ndërsa ka zgjeruar dhe komplikuar linjat logjistike të SHBA-së. Paralelisht, Irani po zhvillon dhe teston armë të reja dhe po vazhdon përballjen detare në zonën e Hormuzit dhe të Gjirit të Omanit.
Raportet bëjnë të ditur se Irani po rifillon prodhimin e raketave në fabrika nëntokësore dhe se mund të ketë marrë ndihmë teknike nga Rusia dhe Kina. Sipas disa burimeve, brenda administratës amerikane ka shqetësime se konflikti me Iranin mund të zgjasë deri në dy vjet.
