Pas triumfit në Big Brother VIP 5, Selin Bollati ka bërë të ditur angazhimet e saj të reja profesionale, mes të cilave edhe rikthimin në ekranin e Top Channel.
Të lidhura
None found
E ftuar në një intervistë ekskluzive në “Ftesë në 5”, me moderatore Bieta Sulon, Selini zbuloi se gjatë sezonit të ri do t’i bashkohet emisionit “Goca dhe Gra”.
Fituesja e BBVIP 5 tha se ky është një rikthim i veçantë për të, pasi pjesë e tij ka qenë prej kohësh në ëndrrat e saj.
“Është një rikthim në vendin që Selini i vogël e ka ëndërruar, por nuk e kishte menduar se do të ndodhte kaq shpejt. Top Channel është një televizion shumë i madh dhe ka hapësirë për të gjithë ëndërrimtarët, për të rinjtë që kanë vizion dhe dëshirë të zhvillohen.
Mendoj se ky është edhe rasti im. Top Channel m’i ka hapur dyert dhe unë do të jem pjesë e një prej programeve më të bukura. Këtë sezon do të më shihni në “Goca dhe Gra”. Një nga risitë e sezonit është pikërisht prania ime aty. Kaq për momentin”, deklaroi Selin Bollati.
