Ish-mesfushori i Arsenalit, Granit Xhaka, ka dërguar një mesazh frymëzues për Topçinjtë teksa po hyjnë në ndeshjen e fundit të betejës së tyre për titull në Ligën Premier.
Gjatë gjithë sezonit, Arsenali ka qenë i përfshirë në një betejë të ngushtë për titullin me Liverpoolin dhe Manchester Cityn dhe teksa po hyjmë në pesë ndeshjet e fundit të sezonit intrigues, ish-kapiteni i Topçinjve i ka dërguar një mesazh skuadrës së Arsenalit.
“Kjo është pjesë e lojës, mendoj se ishin 10 ose 11 ndeshje pa humbje. Kur humb një ndeshje, nuk do të thotë se ke humbur gjithçka”.
“Kanë mbetur edhe gjashtë ndeshje në Ligën Premier dhe ka ende shans të madh për të fituar titullin e Ligës Premier. I uroj atyre të gjitha më të mirat me siguri sepse jam ende në kontakt me stafin dhe lojtarët dhe gjithashtu ende po i shikoj ndeshjet”.
“A mund ta fitojë Arsenali titullin? Shpresoj kështu sepse ekipi, stafi dhe klubi i futbollit gjithashtu meritojnë të fitojnë trofe. Ata janë shumë afër edhe këtë vit si vitin e kaluar, por futbolli ka të bëjë me detaje të vogla. Shpresoj që ata mund ta bëjnë”, ka thënë Xhaka.
Xhaka bëri lëvizjen e tij te Bayer Leverkusen verën e kaluar pas humbjes së titullit nga Manchester City, pasi kishte udhëhequr ligën për pjesën më të madhe të sezonit.
Këtë sezon, ai fitoi Bundesligën si i pamposhtur, ku mundën Bayern Munich në titull për herë të parë që nga 2012/13. /Telegrafi/
