Qendra për Menaxhim me Kriza (QMK) bëri të ditur se deri në orën 07:30 të mëngjesit, në të gjithë territorin e vendit janë evidentuar 27 zjarre. Prej tyre, 20 janë shuar, gjashtë vazhdojnë të jenë aktive, ndërsa një është vënë nën kontroll.
Të lidhura
None found
Vatrat aktive ndodhen ndërmjet fshatrave Moranë, Vërtekicë dhe Gabër, në lokalitetin Vidush pranë fshatit Dragov Doll, si dhe afër fshatit Lokvicë në komunën e Makedonski Brodit. Me zjarre po përballen edhe zonat pranë fshatit Sëllp në komunën e Velesit, fshatit Kopancë në komunën e Jegunovcës, ndërmjet fshatrave Borinë dhe Zhitoshë në komunën e Krushevës, si dhe afër fshatit Bojanë në komunën e Sarajit.
Ndërkohë, nën kontroll është vendosur zjarri që shpërtheu pranë deponisë së qytetit në Dellçevë.
