SPB Ohër ka ngritur kallëzim penal ndaj A.M. (61) nga Struga, i dyshuar se gjatë periudhës 2022-2024 ka përgatitur vendime të rreme për privatizimin e tokës në favor të personave të tjerë.
Të lidhura
None found
Atij i atribuohen veprat penale “keqpërdorim i pozitës dhe autoritetit zyrtar”, “punë e pakujdesshme në shërbim” dhe “falsifikim i dokumentit zyrtar”.
Sipas MPB-së, A.M. ishte i punësuar në Ministrinë e Financave, në Departamentin për Çështje Pronësore dhe Ligjore të Strugës, ku ushtronte detyrën e këshilltarit dhe kishte autorizim për nënshkrimin e akteve. Duke shfrytëzuar pozitën e tij, gjatë viteve 2022, 2023 dhe 2024 ai dyshohet se hartoi vendime të rreme për privatizimin e tokës, u vendosi në mënyrë arbitrare vulë zyrtare për t’u dhënë vlefshmëri ligjore dhe më pas i përcolli në Departamentin e Kadastrës së Pasurive të Paluajtshme të Strugës, pa i dërguar paraprakisht në institucionin kompetent për mendim.
