Ministrja e Arsimit dhe Shkencës, Vesna Janevska, deklaroi se procesi i optimizimit të rrjetit shkollor nuk do të pasohet me pushime nga puna për mësuesit, edhe pse, sipas saj, gjatë shtatë viteve të fundit numri i nxënësve është ulur me 17 mijë.
Në një konferencë për shtyp të mbajtur në Qeveri, ku prezantoi raportin për punën dyvjeçare të Ministrisë së Arsimit dhe Shkencës, Janevska tha se është në dijeni të reagimeve që lidhen me optimizimin, por nënvizoi se askush nuk do të humbasë vendin e punës.
Të lidhura
None found
Ajo kujtoi se, kur mori detyrën dy vjet më parë, u përball me probleme të rënda në sistemin arsimor, ndërsa tani, siç u shpreh, vëmendja është përqendruar te ngritja e cilësisë në arsim dhe shkencë.
“Dy vjet më parë u përballëm me një kataklizmë. Ne ndaluam rënien e mëtejshme dhe me punë të përgjegjshme dhe të përkushtuar tani po e rrisim cilësinë e arsimit dhe po e promovojmë shkencën”, shtoi Janevska./Telegrafi/
