Shpërthen makina e kryetarit të Odës Ekonomike të Energjetikës në Maqedoninë e Veriut

Mbrëmë Oda Ekonomike e Energjetikës së Maqedonisë  së Veriut në profilin e saj në Facebook njoftoi se makina e kryetarit të Odës Ekonomike Gjorgi Manaskov ka shpërthyer në autostradën te udhëkryqi në Vizbegovë në drejtim të Shkupit.

Gjatë momentit të shpërthimit Manaskov ishte në makinë bashkë me një udhëtarë.

Oda e Tregtisë bën me dije se policia e ndërhyrjes së shpejtë që ndodhej aty pranë dhe zjarrfikëset kanë reaguar menjëherë, por nuk kanë arritur të shuajnë zjarrin Mercedesin S200 të zi, i cili u dogj krejtësisht në më pak se 3 minuta.

Nga Oda Ekonomike e Energjetikës bëjnë të ditur se nga shpërthimi nuk ka persona të lënduar./alsat


Shtuar 22.12.2021 10:13