Pejanët ndezin qirinj për Arlinda Zekajn pas vrasjes së saj

Ngjarja e rëndë e së dielës në Vitomiricë të Pejës, ku Arlinda Zekaj u vra nga kunati i saj, ka shkaktuar tronditje të madhe në opinionin publik në Kosovë.

Në shenjë kujtimi për të, shumë qytetarë u mblodhën në Pejë dhe ndezën qirinj.

Pas vrasjes, Kuvendi i Kosovës ka zhvilluar një seancë të jashtëzakonshme.

Deputetët kërkuan gjatë diskutimeve që personat përgjegjës të dalin para drejtësisë dhe të marrin dënimin që parashikon ligji.