Paraditen e kësaj të diele, një kamion u përmbys në zonën e Drogostunjës në Librazhd, duke sjellë bllokim të plotë të lëvizjes në rrugë.
Në vendngjarje ndodhen policia dhe shërbimet përkatëse, të angazhuara për administrimin e trafikut si edhe për sqarimin e rrethanave të aksidentit.
Të lidhura
None found
Sipas të dhënave nga terreni, qarkullimi në këtë aks ka qenë i ndërprerë për mbi një orë, ndërsa dhjetëra mjete janë detyruar të qëndrojnë në pritje në radhë të gjata deri në rikthimin e normalitetit.
Pamjet e siguruara tregojnë radhë kilometrike kamionësh dhe automjetesh në të dy korsitë e rrugës. Deri tani nuk ka informacion zyrtar për persona të lënduar, ndërsa pritet ndërhyrja e mjeteve të specializuara për zhvendosjen e kamionit dhe normalizimin e qarkullimit.
