Seanca e zhvilluar ditën e sotme në ngarkim të Laert Haxhiut, i dënuar me burgim të përjetshëm për vrasjen e Zamir Latifit dhe Jurgen Hoxhës ka zgjatur për orë me radhë, ndërsa të tjera dëshmi janë zbuluar nga gjykimi i sotëm.
I njohur ndryshe si “i forti i Lushnjës”, Laert Haxhiu akuzohet për veprat penale soi: “Vrasjet me paramendim”, “Tentativat e vrasjes”, “Sigurim i kushteve për të kryer vrasje”, “Shkatërimi pronës me eksploziv”, Mbajtjes pa lejë të armëve” dhe “Vjedhje me armë”.
Të lidhura
None found
Në mesin e dëshmitarëve që u paraqitën sot në sallën e gjyqit për të dëshmuar, përveç Leonard Bashaliu, i cili është vëllai i Albi Bashaliut, ishte Sami Bashaliu, kushëriri i dyshes në fjalë, raporton gazetari Elton QYno.
Ky i fundit ka mbërritur për të dhënë dëshminë e tij në GJKKO, pasi ka qenë një nga dëshmitarët kryesorë të ngjarjes së 27 dhjetorit të 2021-t, kur Laert Haxhiu në bashkëpunim me Enriko Xhahysan, Artan Tafanin dhe Lulzim Spahinë organizuan vrasjen e Albi Bashaliu.
Sami Bashaliu, është pronari i lokalit ku viktima (kushëriri i tij) pasi piu kafen e mëngjesit u largua jashtë dhe më pas u qëllua për vdekje nga Artan Tafani dhe Lulzim Spahia, të cilët i bënë pritë në rrugë.
Eliminimi i Abi Bashaliut është parë e gjitha nga Sami Bashaliu, ndaj përfaqësuesi i akuzës Behar Dibra, e kishte thirrur për të dëgjuar dëshminë e tij, para Gjykatës së Posaçme.
Teksa zhvillohej seanca për vrasësin e kushëririt të tij, pasi prokurori i çështjes nuk ishte në gjendje për të formuluar pyetje rreth ngjarjes, gjykata ndërhyri duke kërkuar nga ana e Sami Bashaliut të shmangte bllokimet në të shprehur e të tregonte se kush e vrau kushëririn e tij.
Duke vijuar me dëshminë e tij për vrasjen e kushërirut, Sami zbuloi se autorët kanë qenë të maskuar me maskë covidi. I pyetur për aparencën fizike të autorëve, Bashaliu theksoi se njëri ka qenë i gjatë e tjetri i shkurtër.
Dëshmia e plotë e dëshmitarit, Sami Bashaliu, kushëririt të viktimës së Albi Bashaliut, siguruara nga Elton Qyno:
Behar Dibra: A ka ndodhur ndonjëherë ndonjë vrasje pranë lokalit tënd:
Sami Bashaliu: Nja dy a tri ditë, para Vitit të Ri. Para do kohësh…
Ndërhyn gjykata me pyetje: Na trego detaje të lutem…
Sami Bashaliu: Ishte një makinë e bukur, dola pashë rreth e qark por nuk pashë gjë. U futa brenda ndeza sobën, për tu ngrohur kush vinte për kafe. I ndjeri Bashaliu, u fut të pinte kafe dhe në momentin që doli nga lokali, i foli njëri dhe Bashaliu ktheu kokën. U dëgjua zhurma e armës. Ai djali që qëlloi ishte një i gjatë i hollë, po kishte mbuluar kokën me maskë. E gjujti. Çunat që ishin lokal u trembën e ikën me vrap. Ishte një person që gjujti, ata ishin dy por njëri ndenji në makinë.
Gjykata: Na trego më shumë të lutem çfarë mban mend…
Sami Bashaliu: Ai doli i foli Bashaliut dhe e gjujti. Ai që e gjujti ndenji aty, Bashaliu ra në tokë. Unë e pashë këtë gjë, por ata ma bënë me dorë “…futu brenda futu brenda…”. S’bëra zë. I mori çelësat, telefonin Bashaliut, ja la në vend nuk ja lujti. Ai tjetri i vuri flakën me benzinë makinës dhe ikën. E ke parasysh shteti bëri punën e vet…
Gjykata: Mos bëj kështu au iu, kush i vrau këta njerëz? Po për tjetrin, a u mor vesh kush e vrau Leonard Bashaliun?
Behar Dibra: Kur e ka frekuentuar për herë të fundit i ndjeri Albi Bashaliu lokalin?
Sami Bashaliu: Një natë më parë, të nesërmen u bë ngjarja. Ka qenë ora 7 mbase.
Behar Dibra: E përcolle këtë ti nga lokali?
Sami Bashaliu: Jo pse duhet ta përcillja ishte ora 11 e natës diçka e tillë.
Behar Dibra: A i njihje personat me kë rrinte viktima?
Behar Dibra: Me të fisit tonë ka ndenj, se jemi fis i madh.
Behar Dibra: Mbas ndodhjes së ngjarjes ky, Henriko Xhahysa, vinte më në lokal?
Sami Bashaliu: Jo
Av Detar Hysi: Ju shkuat në varrimin e të ndjerit?
Sami Bashaliu: Po vajta.
Av Detar Hysi: Po sot si janë mardhëniet tuaja?
Sami Bashaliu: Shumë të mira.
Gjykata: Me përshkrimin fizik të dy personave, a mban mend ndonjë karelteristikë të tyre. A i mbani mend këta persona?
Sami Bashaliu: Kanë qenë dy. Ai që bëri vrasjen ishte i gjatë i hollë, ai tjetri pak më i shkurtër. Ata kishin kapele dhe maskë Covidi.
Gjykata: Ndonjë element të veçantë?
Sami Bashaliu: Jo s’pashë.
Gjykata: Prokuror Behar Dibra, a keni pyetje tjetër?
Behar Dibra: Nëse do të jepej rasti ti shikoje siç i përshkruan këtë të gjatin dhe të hollin, a do ti përshkruaje dot? Do thoshe dot ky ka gjuajtur më armë?
Sami Bashaliu: Vallahi se përcaktoj dot.
