Tre anije mallrash në Detin e Zi janë goditur nga dronë rusë, sipas Ministrisë ruse të Mbrojtjes, e cila pretendon se ato po transportonin pajisje ushtarake për forcat e armatosura ukrainase.
Të lidhura
None found
Ministria deklaroi se sulmet shkaktuan dëme në tre mjete tregtare. Në njoftimin zyrtar thuhet se anijet e goditura po bartnin pajisje ushtarake.
Moska bëri të ditur se njëra prej anijeve ndodhej në portin e Mykolaiv dhe, sipas pretendimeve ruse, transportonte furnizime për ushtrinë ukrainase.
Gjatë natës, forcat ruse kanë vijuar gjithashtu sulmet ndaj infrastrukturës së transportit në Ukrainë. Sipas Ministrisë ruse të Mbrojtjes, goditjet kishin në shënjestër pika të përdorura për mbështetjen e operacioneve ushtarake ukrainase.
Autoritetet ukrainase nuk kanë reaguar ende lidhur me pretendimet e Moskës dhe dëmet e raportuara në anije.
