Anëtari i Bordit Ekzekutiv të LSDM-së dhe sekretari ndërkombëtar i kësaj partie, Andrej Zhernovski, deklaroi në një konferencë për shtyp se prokuroria duhet të nisë hetim për kredinë hungareze edhe në Maqedoni.
Të lidhura
None found
“Qytetarët duhet të informohen se në Hungari është hapur zyrtarisht një hetim lidhur me kredinë prej një miliard eurosh, për të cilën Mickoski dhe qeveria e tij kanë arritur marrëveshje me Hungarinë dhe mikun e tij, Orban.
Krahas rritjes së ndjeshme të borxhit publik, e cila përbën në vetvete një shqetësim, kjo kredi shoqërohet edhe me dyshime serioze për krim dhe, fatkeqësisht, për veprime të paligjshme.
Informacionet e publikuara bëjnë të ditur se Byroja Kombëtare Hungareze e Hetimeve ka sekuestruar mijëra faqe dokumentesh që lidhen me veprimtarinë e “Eximbank”.
Zhernovski theksoi se një prej çështjeve më të dyshimta, për të cilën është folur dhe është ngritur vazhdimisht në publik, lidhet me origjinën e fondeve.
“A bëhet fjalë për para që kanë ardhur nga Kina dhe që Hungaria i ka marrë prej saj pak përpara se ne, si shtet, të siguronim këtë kredi?”, pyeti Zhernovski.
