Vendim tronditës, Vllaznia e vajzave largohet nga kampionati

Skuadra e vajzave të Vllaznisë ka vendosur të mos vazhdojë pjesëmarrjen në kampionat. Lajmi befasues është raportuar nga “Shkodra Sport”.

Klubi shkodran pritet të publikojë një komunikim zyrtar në orën 11:30 të paradites për të shpjeguar këtë hap drastik, në një kohë kur nisja e edicionit të ri është shumë pranë.

Vllaznia e vajzave ka dominuar futbollin vendas, ndërsa njëkohësisht ka përfaqësuar denjësisht Shqipërinë në Kupat e Europës.