Produkti i Brendshëm Bruto i Maqedonisë u rrit me 4.3% në tremujorin e dytë të vitit 2026, në raport me të njëjtën periudhë të një viti më parë, bëri të ditur Enti Shtetëror i Statistikave.
Të lidhura
None found
Sektori i Ndërtimit regjistroi rritjen më të lartë, me 21.9%. Rritje prej 5.1% u shënua edhe në grupin e aktiviteteve që përfshin artet, argëtimin dhe rekreacionin, aktivitetet e tjera shërbyese, si dhe aktivitetet e familjeve si punëdhënëse apo si prodhuese mallrash dhe ofruese shërbimesh për nevojat e tyre.
Konsumi përfundimtar gjatë tremujorit të dytë të vitit 2026 shënoi një rritje nominale prej 7.0%, ndërsa në strukturën e Produktit të Brendshëm Bruto zuri 83.2%.
Investimet bruto u zgjeruan nominalisht me 14.5% në këtë periudhë, rritje që erdhi si pasojë e shtimit të investimeve bruto në asete fikse.
Të dhënat e përshtatura sipas faktorëve sezonalë dhe kalendarikë tregojnë se rritja e Produktit të Brendshëm Bruto në tremujorin e dytë të vitit 2026, krahasuar me tremujorin e dytë të vitit 2025, ishte 4.0%.
