Menjëherë pas zbritjes në Rinas, pas kryerjes me sukses të operacionin për të riatdhesuar 5 gra dhe 14 fëmijëve shqiptar nga kampi i frikshëm i Al Hol, kryeministri Edi Rama është ndalur për një konferencë me mediat.
“Ishte një operacion i gjatë dhe i ndërlikuar, me ndihmën e konsullit shqiptar në Liban, të cilët i kam falenderuar edhe personalisht.
Është një ngjarje pozitive mendoj, ne nuk do të ndalemi këtu, ka dhe një operacion tjetër për tu zhvilluar, për një numër që nuk e dimë saktësisht, pasi ka një punë në terren për të gjetur ata persona në vrimat e zeza, llogarisim një numër pak a shumë të njëjtë me këtë të sotmin, duke menduar tashmë se më shumë se gjysma është marrë.
Një rol të rëndësishëm ka luajtur struktura e antiterorit, ministrin e falenderoj, pasi prej muajsh ka ndjekur operacionin, ka pasur dhe një vizitë në Bejrut, është një premtim që do ta mbajmë deri në fund,” tha ndër të tjera Rama.
