Donald Trump deklaroi të premten se Uashingtoni nuk ka miratuar ndonjë marrëveshje që do t’i mundësonte Ukrainës prodhimin e raketave “Patriot”, megjithëse diskutimet për këtë çështje po vijojnë.
Të lidhura
None found
Vetëm dy ditë më herët, Volodymyr Zelenskiy kishte njoftuar se palët kishin arritur një dakordësi, por presidenti i Shteteve të Bashkuara më pas ndryshoi qëndrim, sipas raportimit të “Reuters”.
Gjatë takimit që zhvilloi këtë muaj në Turqi me presidentin ukrainas, Trump ishte shprehur i gatshëm t’i jepte Ukrainës licencën për prodhimin e interceptorëve raketorë “Patriot”, të cilët do ta ndihmonin vendin të mbrohej nga sulmet ruse. Megjithatë, ai është tërhequr nga ky angazhim, pavarësisht se këtë javë e priti Zelenskyn në Shtëpinë e Bardhë.
Në mbledhjen e kabinetit të zhvilluar të premten, presidenti amerikan u pyet për raketat “Patriot” dhe nënvizoi se ekzistojnë ende shqetësime rreth dhënies së armatimeve të avancuara amerikane një shteti tjetër, përfshirë edhe teknologjinë raketore.
Trump e cilësoi këtë si një hap të rëndësishëm dhe tregoi se Zelenskiy i kishte kërkuar disa raketa “Patriot”, si edhe disa “Tomahawk”, të cilët ai i përshkroi si vdekjeprurës. Presidenti amerikan tha se bëhet fjalë për mjete sulmuese dhe mbrojtëse, ndaj kërkohet maturi dhe kujdes i madh. Ai përsëriti se nuk është dhënë miratimi, ndonëse bisedimet vazhdojnë, duke argumentuar se është e vështirë t’i transferohet një vendi tjetër një teknologji e tillë. Sipas tij, kjo ka pak gjasa të ndodhë ndonjëherë, pasi shtetet ose personat që e marrin teknologjinë mund të kthehen një ditë kundër atij që ua ka dhënë.
