Influencuesi kontrovers, Andrew Tate dhe vëllai i tij Tristan, janë paraqitur në një gjykatë federale në Miami, ku kanë nisur procedurat për ekstradimin e tyre drejt Mbretërisë së Bashkuar për shkak të akuzave të reja, përfshirë përdhunim dhe trafikim seksual.
Dy vëllezërit janë arrestuar në Florida nga autoritetet amerikane pas njoftimit të Shërbimit të Prokurorisë së Kurorës në Angli dhe Uells (CPS) për 38 akuza të reja ndaj tyre.
Të lidhura
None found
Ata kanë mohuar vazhdimisht çdo shkelje dhe kanë deklaruar se janë të pafajshëm.
Gjatë paraqitjes në gjykatë, Andrew dhe Tristan ishin të veshur me uniforma burgu, të prangosur dhe të lidhur me zinxhirë në duar dhe këmbë.
Ata folën vetëm për të konfirmuar se i kuptonin të drejtat e tyre ligjore.
Avokati i tyre, Joe McBride, tha pas seancës se vëllezërit do të kundërshtojnë ekstradimin dhe pretendoi se akuzat ndaj tyre janë të pabazuara.
Ai i cilësoi procedurat si një përpjekje të padrejtë ndaj klientëve të tij.
Sipas autoriteteve britanike, akuzat e fundit lidhen me ngjarje që dyshohet se kanë ndodhur mes viteve 2010 dhe 2017.
Numri i viktimave të pretenduara në këtë çështje ka arritur në shtatë, derisa gjithsej vëllezërit përballen me 59 akuza.
Seanca e ardhshme gjyqësore është caktuar për 27 korrik, teksa vendimi përfundimtar për ekstradimin do të merret nga autoritetet përkatëse amerikane.
