“Kryeqyteti është nën sulm, strehohuni në zona të sigurta”, momente frike në Kiev pas shpërthimeve të forta në orët e para të mëngjesit

Në Kiev, në orët e para të së shtunës, u dëgjuan të paktën pesë shpërthime, ndërsa autoritetet paralajmëruan për një sulm me raketa ruse, sipas gazetarëve të AFP që ndodheshin në vendngjarje.

Disa minuta pas shpërthimit të parë, në kryeqytet nisën të bien sirenat e alarmit ajror.

“Armiku po sulmon kryeqytetin me raketa. Qëndroni në vende të sigurta!”, shkroi në Telegram Tymur Tkachenko, kreu i administratës ushtarake të kryeqytetit.