Para nisjes së trajnimit të radhës me drejtuesit dhe inspektorët e institucioneve të inspektimit në qarkun e Fierit, Inspektori i Përgjithshëm, Dashnor Sula, foli për mediat edhe në kuadër të koordinimit të masave dhe përcaktimit të prioriteteve të kontrolleve gjatë sezonit turistik.
Ai nënvizoi se siguria ushqimore vazhdon të jetë një nga çështjet më të rëndësishme të punës së inspektorateve, sidomos në këtë periudhë kur numri i turistëve në vend po rritet.
Të lidhura
None found
Sula kërkoi që vëmendje më e madhe t’u kushtohet stabilimenteve të përpunimit të qumështit, me qëllim që produktet të plotësojnë standardet e kërkuara të sigurisë dhe cilësisë.
Në të njëjtën kohë, kontrollet do të shtrihen edhe te subjektet ndotëse të naftës, si edhe te përdorimi i pesticideve në produktet bujqësore.
Kryeinspektori Sula foli gjithashtu për procesin e ristrukturimit të inspektorateve, ku disa prej tyre pritet të bashkohen në një strukturë të vetme.
