Kryetari i Komunës së Çairit, Izet Mexhiti, bëri të ditur se ka qenë nga afër për të parë ecurinë e punimeve në Kampusin e Universitetit “Nënë Tereza” në Shkup, ndërsa theksoi se projekti është duke avancuar sipas dinamikës së paraparë.
Ai vlerësoi se punët po zhvillohen me ritëm të mirë dhe se objekti po merr formë dita-ditës, duke nënvizuar se bëhet fjalë për një investim me rëndësi për arsimin e lartë dhe për të ardhmen e brezave të rinj.
Të lidhura
None found
“Gjatë ditës së djeshme isha në inspektim të punimeve në Kampusin e Universitetit ‘Nënë Tereza’. Me kënaqësi pashë nga afër se punimet po ecin me ritëm të mirë dhe se ky projekt po merr formë çdo ditë. Një investim i rëndësishëm për arsimin dhe për të ardhmen e gjeneratave të reja”, ka shkruar Mexhiti.
